Skip to main content

கவிதை

குழந்தைகளை விழுங்கித் துப்புகின்றனர்
காலையிலே கடத்தப்பட்டு
குடிநீர் அருந்தவும் சிறுநீர்கழிக்கவும்
வழிமறிக்கும் மிஸ்களும் ஆயாக்களும்
அந்நியமொழியின் பயிற்றுவிப்பு
புத்தகச்சுமை மாலைநேர டியுசன்
வெறிநாயாய் துரத்தும் பெற்றோர்கள்
முழிபிதுங்கி வெளியேறும் குழந்தைகள்
ரிமோட்டை கையில் எடுத்தபடி
திறக்கின்றனர் ஏழாவது உலகை
நையாண்டியுடன் துள்ளிக்குதிக்கின்றன
உயிரில்லாத கார்ட்டுன் பொம்மைகள்

Comments

Popular posts from this blog

மௌனம்

எதாலும் இட்டு நிரப்ப முடியாத பெருவெளியாய் சிலந்தி வலையில் இளைப்பாற எண்ணிய விட்டில் பூச்சியின் அவஸ்தையாய் நிகழ்ந்திருந்தது உனது மரணம் விஷம் பொருந்திய அந்த கொடிய பொழுதினில் கண் இமைகளுக்குள் சிறகசைத்துப் பறந்து கொண்டிருக்கிறாய் நீ ஓவியக்காரனின் தூரிகையாய் மீளவும் மீளவுமாய் நனைந்தபடி கொலைக்காரர்களின் மனங்களைப் போல அடர்த்தியாய் நிறைந்திருக்கிறது

நூல் வெளியீடு

சு.செல்வகுமாரனின் பிரதிகளின் பண்பாட்டு அரசியல் நூலினை சி.சொக்கலிங்கம்(தமிழ்நாடு கலை இலக்கியப் பெருமன்ற மாநிலச் செயலாளர் ) அவர்கள் வெளியிட பேராசிரியர் முனைவர் வி. வேணுகுமார் பெற்று கொள்கிறார்.

மொட்டவிழ்க்கும் சிறுபொழுதில்

துஞ்சும் யானைக் கூட்டமாய் கிடந்த எண்ணற்றப் பாறைகளை சிதிலமாக்கியவன் அவன் முல்லை மொட்டவிழ்க்கும் சிறுபொழுதில் கைக் கொண்ட கருமருந்தினால் தனது மூச்சுக் காற்றை நிறுத்திக் கொள்கிறான் வேறு வழியின்றி கொழுத்தப்பட்ட திரி கருமருந்தின் நாற்றத்தோடு நீட்டிப்பைக் குறைத்துக் கொண்டே வருகிறது இன்னுமொரு மொட்டவிழும் பொழுதில் கனத்த ஓசையோடு சிதறலாம் அந்தப் பாறை அதில் அவனுக்கான கற்களும் இருக்கலாம் எப்போதும் போலவே வேறுபட்ட முகங்களோடு