Skip to main content

கவிதை


காதல்
மனிதனை மனிதனாக்கும்
நாகரீகத்தின் தொடக்கம்

இல்லறத்திற்கான
விவாத மேடை

சாதி மதங்களின்
சங்கமப் பேழை

நானும் அவளும்
பருவம் எய்தியதின் அடையாளம்

வாழ்வின் வசந்தத்திற்கான
தொடக்க விழா

நரம்புகளை நாணேற்றி
மனதை நடுங்க வைக்கும் மந்திரம்;

தியாகம் உன்னிடமும்
இருப்பதை உணர்த்தும் முதற்சொல்

காமம் தலைததூக்கியதின்
வெளிப்பாடு

கவிதையின்
ஊற்றுக்கண்

காலத்தை தின்னும்
கறையான்


நட்பையும் உறவையும்
சேதப்படுத்தும் முதுசொல்

சிரிப்பால் சிறைவைக்கும்
விலங்கு

மனிதனை அடிமையாக்கும்
போதை

தூய்மையும் பொய்மையும்
கட்டி புரளும் இனிய மொழி

அது மரணத்திற்கான
நுழைவு வாயில்

Comments

  1. சாதி மதங்களின்
    சங்கமப் பேழை

    மனதை நடுங்க வைக்கும் மந்திரம்;

    காலத்தை தின்னும்
    கறையான்

    நட்பையும் உறவையும்
    சேதப்படுத்தும் முதுசொல்

    அருமையான வரிகள். தொடர்க. வாழ்த்துக்கள்.

    ReplyDelete

Post a Comment

Popular posts from this blog

மௌனம்

எதாலும் இட்டு நிரப்ப முடியாத பெருவெளியாய் சிலந்தி வலையில் இளைப்பாற எண்ணிய விட்டில் பூச்சியின் அவஸ்தையாய் நிகழ்ந்திருந்தது உனது மரணம் விஷம் பொருந்திய அந்த கொடிய பொழுதினில் கண் இமைகளுக்குள் சிறகசைத்துப் பறந்து கொண்டிருக்கிறாய் நீ ஓவியக்காரனின் தூரிகையாய் மீளவும் மீளவுமாய் நனைந்தபடி கொலைக்காரர்களின் மனங்களைப் போல அடர்த்தியாய் நிறைந்திருக்கிறது

நூல் வெளியீடு

சு.செல்வகுமாரனின் பிரதிகளின் பண்பாட்டு அரசியல் நூலினை சி.சொக்கலிங்கம்(தமிழ்நாடு கலை இலக்கியப் பெருமன்ற மாநிலச் செயலாளர் ) அவர்கள் வெளியிட பேராசிரியர் முனைவர் வி. வேணுகுமார் பெற்று கொள்கிறார்.

மொட்டவிழ்க்கும் சிறுபொழுதில்

துஞ்சும் யானைக் கூட்டமாய் கிடந்த எண்ணற்றப் பாறைகளை சிதிலமாக்கியவன் அவன் முல்லை மொட்டவிழ்க்கும் சிறுபொழுதில் கைக் கொண்ட கருமருந்தினால் தனது மூச்சுக் காற்றை நிறுத்திக் கொள்கிறான் வேறு வழியின்றி கொழுத்தப்பட்ட திரி கருமருந்தின் நாற்றத்தோடு நீட்டிப்பைக் குறைத்துக் கொண்டே வருகிறது இன்னுமொரு மொட்டவிழும் பொழுதில் கனத்த ஓசையோடு சிதறலாம் அந்தப் பாறை அதில் அவனுக்கான கற்களும் இருக்கலாம் எப்போதும் போலவே வேறுபட்ட முகங்களோடு